مرزا غالب

ضعف سے نقشِ پئے مور، ہے طوقِ گردن
ترے کوچے سے کہاں طاقتِ رم ہے ہم کو

انشاء اللہ خان انشا

تمہارے واسطے صحرا نشیں ہوں ایک مدت سے
بسان آہوے ٔ وحشی نہ مجھ سے آپ رم کیجے
ہے مجھ کو ربط بسکہ غزالان رم کے ساتھ
چونکوں ہوں دیکھ سائے کو اپنے قدم کے ساتھ
واقعی بولنے سے اپنے لڑا بیٹھے جو آنکھ
کیوں خودی سے نہ کرے پھیر وہ رم یا معبود

حیدر علی آتش

عشق کہتا ہے مجھے رام اس بت وحشی کو کر
حسن کی غیرت اسے سمجھاتی ہے رم کیجیے

مصطفٰیٰ خان شیفتہ

ایسے خود رفتہ ہو اے شیفتہ کیوں
کہیں اس شوخ کا رم یاد آیا

مومن خان مومن

وصال تو ہے کہاں میسر مگر خیال وصال ہی میں
مزے اڑاتے ہوس نکلتی جو ساتھ انداز رم نہ ہوتا

عرفان صدیقی

ان کمندوں میں گرفتار نہ ہوں گے کہ غزال
زخم خوردہ ہیں مگر شیوۂ رم جانتے ہیں
ہوائے دشت کو زیرِ قدم کریں دونوں
غزال شہر ادھر آ کہ رم کریں دونوں
ہم رہے ہیں مدتوں آوارۂ دشت و چمن
پھر بھی پیروں میں وہی زنجیر رم ہے دوستو
شہِ مرداںؑ کے در پر گوشہ گیری کا تصدق ہے
کہ میں نے توڑکر یہ حلقۂ رم رکھ دیا دیکھو
کیا ہرن ہے کہ کبھی رم نہیں کرتا ہم سے
فاصلہ اپنا مگر کم نہیں کرتا ہم سے

ادا جعفری

پابندی رسوم وفا بھی بہانہ خو
ترکِ وفا و شیوۂ رم بھی بہانہ ساز

فراق گورکھپوری

پھرنے کو ہے رسیلی نیم نگاہ
آہوئے ناز مائلِ رم ہے

ناصر کاظمی

صبحِ رخصت ابھی نہیں بھولی
وہ سماں رم رہا ہے آنکھوں میں