مرزا غالب

ہے آدمی بجائے خود اک محشرِ خیال
ہم انجمن سمجھتے ہیں خلوت ہی کیوں نہ ہو
میرے ہونے میں ہے کیا رسوائی
اے وہ مجلس نہیں خلوت ہی سہی

داغ دہلوی

یہ کیا کہ بت بنے ہوئے بیٹھے ہو بزم میں
کچھ بے تکلفی بھی تو خلوت میں چاہیے

جوش ملیح آبادی

اس قدر ڈوبا ہوا دل درد کی لذت میں ہے
تیرا عاشق انجمن ہی کیوں نہ ہو خلوت میں ہے

شاذ تمکنت

نہ محفل ایسی ہوتی ہے نہ خلوت ایسی ہوتی ہے
مرے معبود کیا جینے کی صورت ایسی ہوتی ہے

فراق گورکھپوری

کچھ اشارات نہاں ہوں تو نگاہِ ناز کے
بھانپ لیں گے ہم یہ محفل رشک خلوت بھی تو ہو

ناصر کاظمی

تیرے کرم سے اے المِ حسن آفریں
دل بن گیا ہے دوست کی خلوت کبھی کبھی