عرفان صدیقی

میں وہ طائر ہوں کہ ہے تیر کی زد سے باہر
اب یہ ضد چھوڑ مجھے آنکھ سے اوجھل کر دے

مجید امجد

جس کو دیکھو اپنے سفر کی دنیا بھی ہے ، اپنے سفر میں تنہا بھی
قدم قدم پر اپنے آپ کے سامنے ہے اور اپنے آپ سے اوجھل ہے

ضیا جالندھری

ضیاؔ ان ساعتوں میں عمر گزری
کھلی آنکھوں سے جو اوجھل رہی ہیں
ضیاؔ ان ساعتوں میں کھو گئے ہم
کھلی آنکھوں سے جو اوجھل رہی ہیں

غلام محمد قاصر

آنکھ کی منڈیروں پر آرزو نہیں لرزی
اک چراغ کی لو سے اک چراغ اوجھل تھا

احمد فراز

کیسے ہی تلاطم ہوں مگر قلزم جاں میں
کچھ یاد جزیرے ہیں کہ اوجھل نہیں ہوتے

اقبال ساجد

کھول یوں مٹھی کہ اک جگنو نہ نکلے ہاتھ سے
آنکھ کو ایسے جھپک لمحہ کوئی اوجھل نہ ہو

ناصر کاظمی

جنہیں ہم دیکھ کر جیتے تھے ناصرؔ
وہ لوگ آنکھوں سے اوجھل ہو گئے ہیں