مرزا غالب

کھلے گا کس طرح مضموں مرے مکتوب کا یا رب
قسم کھائی ہے اس کافر نے کاغذ کے جلانے کی

مومن خان مومن

سنگِ در سے ترے نکالی آگ
ہم نے دشمن کا گھر جلانے کو

باقی صدیقی

داغِ دل ہم کو یاد آنے لگے
لوگ اپنے دیے جلانے لگے

جون ایلیا

سرود آتش زرین صحن خاموشی
وہ داغ ہے جسے ہر شب جلانے لگتے ہو
سنا ہے کاہکشانوں میں روز و شب ہی نہیں
تو پھر تم اپنی زباں کیوں جلانے لگتے ہو

عبدالحمید عدم

آ ترے گیسوؤں کو پیار کروں
رات ہے مشعلیں جلانے کی

قمر جلالوی

تجھے باغباں پھر میں سمجھا رہا ہوں ہواؤں کے اور کچھ کہہ رہے ہیں
کہیں آگ پھیلے نہ سارے چمن میں مرا گھر جلانے کی کوشش نہ کرنا

عرفان صدیقی

یہ کس کے نام پہ تیغِ جفا نکلتی ہوئی
یہ کس کے خیمے ، یہ خیمے جلانے والا کون

ادا جعفری

زخم نغمہ بھی لو تو دیتا ہے
اک دیا رہ گیا جلانے کو

بشیر بدر

لوگ ٹوٹ جاتے ہیں ایک گھر بنانے میں
تم ترس نہیں کھاتے بستیاں جلانے میں

فارغ بخاری

جن میں دہقانوں کی حسرت کا جھلکتا ہے لہو
ہم کو وہ گلشن شاداب جلانے ہوں گے

ماجد صدیقی

برف سے اجلے چہروں والے
آ جاتے ہیں جی کو جلانے
ماجدؔ انجانے میں ہم بھی
بیٹھ رہے کیوں جی کو جلانے
کشید خاک سے آتش تو کی جلانے کو
کوئی نمو کا بھی رخ دیجیے زمانے کو

شان الحق حقی

بزم یاراں میں وہ اب کیف کہاں ہے باقی
روز جاتے ہیں کہیں جی کو جلانے اپنے

شکیل بدایونی

کہو بجلیوں سے نہ دل کو جلائیں
مجھے پھونک دیں گھر جلانے سے پہلے

محبوب خزاں

پھر وہی انتظار کی زنجیر
رات آئی دیے جلانے لگے

ناصر کاظمی

ناصر تم لوگوں سے چھپ کر چپکے چپکے رات گئے
کیوں جاتے ہو جی کو جلانے انٹر کانٹی نینٹل میں
اکیلے گھر سے پوچھتی ہے بے کسی
ترا دیا جلانے والے کیا ہوئے