رئیس فروغؔ

صبح کے ساتھ عجب لذت دریوزہ گری
رات بھر سوچتے رہنے کی تھکن سے آئے
تم سمجھتے ہو کوئی جرم کیا ہے میں نے
یہ تو اک بوجھ اٹھانے کی تھکن ہے لوگو

احسان دانش

یہ کارواں شناور طوفاں تو ہے مگر
چہروں پہ بولتی ہے سفر کی تھکن ابھی
ترا غبار زمیں پر اترنے والا ہے
کہاں تک اب یہ بگولہ تھکن چھپائے گا

احمد فراز

یہ کیوں ہمیشہ مری طلب ہی تمہیں صدا دے
کبھی تو خود بھی سپردگی کی تھکن میں آؤ

شاذ تمکنت

شاذؔ وہ جانے گا ان آنکھوں میں کیا کیا کچھ ہے
جس نے دیکھی ہو ان آنکھوں کی تھکن پہلے بھی

محسن نقوی

کہ جیسے ابر ہوا کی گرہ سے کھل جائے
سفر کی شام مرا مہرباں تھکن میں کھلا

ناصر کاظمی

ہونٹوں پر برسوں کی پیاس
آنکھوں میں کوسوں کی تھکن
وہ تو بس ایک موج تھی آئی ادھر ادھر گئی
آنکھوں میں ہے مگر ابھی رات کے خواب کی تھکن