رئیس فروغؔ

اب تک جو مجھے نہیں ملے ہیں
وہ پھول مرے لیے کھلے ہیں

سیف الدین سیف

وہ بھی ہمیں سرگراں ملے ہیں
دنیا کے عجیب سلسلے ہیں
کل کیسے جدا ہوئے تھے ہم سے
اور آج کس طرح ملے ہیں

عزیز حامد مدنی

میری وفا ہے اس کی اداسی کا ایک باب
مدت ہوئی ہے جس سے مجھے اب ملے ہوئے

اختر ہوشیارپوری

اخترؔ مجھے یہ ڈر ہے کہ دامن نہ جل اٹھے
پاتا ہوں آنسوؤں میں شرارے ملے ہوئے

کلیم عاجز

بھولی ہوئی یاد آ کے کلیجے کو ملے ہے
جب شام گزر جائے ہے جب رات ڈھلے ہے

محسن نقوی

اتنی مدت بعد ملے ہو
کن سوچوں میں گم پھرتے ہو

ناصر کاظمی

نہ آنکھیں ہی برسیں نہ تم ہی ملے
بہاروں میں اب کی نئے گل کھلے
نہ جانے کہاں لے گئے قافلے
مسافر بڑی دور جا کر ملے
بچھڑ گئے تھے جو طوفاں کی رات میں ناصر
سنا ہے ان میں سے کچھ آ ملے کنارے پر