رئیس فروغؔ

یوں خاک اڑا رہا ہوں گھر میں
جیسے مرے ساتھ قافلے ہیں

احسان دانش

جس کی نگاہ میں تھیں ستاروں کی منزلیں
وہ میر کائنات اسی قافلے میں تھا

فارغ بخاری

کچھ تلافی نگار فصلِ خزاں
ہم لٹے قافلے ہیں پہلے ہی

عزیز حامد مدنی

دشت میں قحط آب سے ہجرت طائراں کے بعد
سیر پسند و تر نفس ابر کے قافلے گئے
دامنِ دل کی اوٹ سے ایک شبِ فراق کیا
دور تغیر جہاں سب ترے قافلے گئے

اختر ہوشیارپوری

خورشید کا جمال کسے ہو سکا نصیب
تاروں کے ڈوبتے ہی رواں قافلے ہوئے

ناصر کاظمی

نہ جانے کہاں لے گئے قافلے
مسافر بڑی دور جا کر ملے
جہاں کوئی بستی نظر آ گئی
وہیں رک گئے اجنبی قافلے