رئیس فروغؔ

چہروں کی تھکن سے کچھ نہ پوچھو
کس پاؤں میں کتنے فاصلے ہیں

احسان دانش

زنجیر کی صدا تھی نہ موج شمیمِ زلف
یہ کیا طلسم ان کے مرے فاصلے میں تھا

فارغ بخاری

کتنے شکوے گلے ہیں پہلے ہی
راہ میں فاصلے ہیں پہلے ہی

سیف الدین سیف

پاس آئے تو اور ہو گئے دور
یہ کتنے عجیب فاصلے ہیں

عزیز حامد مدنی

اے یہ فسون دلبری تازہ رخ و سیاہ چشم
منزل قرب بھی گئی تجھ سے نہ فاصلے گئے

اختر ہوشیارپوری

جو سانس آ کے مس ہوئے وہ منزلیں نہیں
لمحے جو ہم پہ بیت گئے فاصلے ہوئے

ناصر کاظمی

وہی وقت کی قید ہے درمیاں
وہی منزلیں اور وہی فاصلے