مرزا غالب

مجھ سے غالب یہ علائی نے غزل لکھوائی
ایک بیداد گرِ رنج فزا اور سہی
میں جو گستاخ ہوں آئین غزل خوانی میں
یہ بھی تیرا ہی کرم ذوق فزا ہوتا ہے

داغ دہلوی

صبح موجِ نسیم گلشن کو
نفسِ جاں فزا دیا تو نے

مصطفٰیٰ خان شیفتہ

کبھی وہ طعنہ ہائے جاں گزا کیوں
کبھی یہ غمزہ ہائے جاں فزا کیا
یا اپنے جوش عشوۂِ پیہم کو تھامئے
یا کہیے میں بھی نالۂِ شورش فزا کروں

مومن خان مومن

آتے ہی تیرے چل دیے سب ورنہ یاس کا
کیسا ہجوم تھا دلِ حسرت فزا کے ساتھ
اثر اس کو ذرا نہیں ہوتا
رنج راحت فزا نہیں ہوتا

جگر مراد آبادی

ہائے کیا ہو گیا طبیعت کو
غم بھی راحت فزا نہیں ہوتا

الطاف حسین حالی

تھا نہ جز غم بساط عاشق میں
غم کو راحت فزا کیا تو نے

اسرار الحق مجاز

عاشقی جاں فزا بھی ہوتی ہے
اور صبر آزما بھی ہوتی ہے

حسرت موہانی

اٹھایا ہے مزا دل نے بہت کچھ
محبت کے غم راحت فزا کا
مر جاؤں گا مے خانے سے نکلا جو کبھی میں
نظارۂ مے روح فزا میرے لیے ہے

ناصر کاظمی

غم کی بے نور گزرگاہوں میں
اک کرن ذوق فزا ہوتی ہے