مرزا غالب

کچھ تو دے اے فلکِ نا انصاف
آہ و فریاد کی رخصت ہی سہی

باقی صدیقی

دل محبت کی ادا چاہتا ہے
ایک آنسو دمِ رخصت ہی سہی

عرفان صدیقی

جس طرح چلے سبطِ نبیؐ شہر نبی سے
اس طرح تو مہماں کو بھی رخصت نہیں کرتے

سیماب اکبر آبادی

بدن سے روح رخصت ہو رہی ہے
مکمل قید غربت ہو رہی ہے

امیر مینائی

کون بیماری میں آتا ہے عیادت کرنے ؟
غش بھی آیا تو مری روح کو رخصت کرنے
تیر کے ساتھ چلا دل، تو کہا میں نے ، کہاں؟
حسرتیں بولیں کہ، مہمان کو رخصت کرنے