احسان دانش

موسم ہے سرد مہر لہو ہے جماؤ پر
چوپال چپ ہے بھیڑ لگی ہے الاؤ پر

ظہیر کاشمیری

دل کا ویرانہ بھی وہی ہے تیری تمنا بھی ہے وہی
ظلمت میں روشن ہے ستارہ صحرا میں جلتا ہے الاؤ

فارغ بخاری

ہوئے ہیں سرد دماغوں کے دہکے دہکے الاؤ
نفس کی آنچ سے فکر و نظر کے دیپ جلاؤ

ماجد صدیقی

ادھر ہیں لوگ نگاہوں میں جن کی راکھ ہوں میں
ادھر ہو تم کہ بتاتے ہو اک الاؤ مجھے
کچھ ماند تو پڑ جائیں گے باتوں کی نمی سے
آؤ کہ دہکتے ہیں خموشی کے الاؤ

قتیل شفائی

حالات کی بھیگی رات بھی ہے جذبات کا تیز الاؤ بھی
میں کون سی آگ میں جل جاؤں اے نکتہ ورو سمجھاؤ بھی