احسان دانش

درپئے عقدۂ ہستی ہے ازل ہی سے بشر
لیکن اک خاک کے ذرے کا بھی عرفاں نہ ہوا

ضیا جالندھری

نارسائی کا بیاباں ہے کہ عرفاں اپنا
اس جگہ اہرمن اپنا ہے نہ یزداں اپنا

سیماب اکبر آبادی

وسعتیں محدود ہیں ادراک انساں کے لیے
ورنہ ہر ذرہ ہے دنیا چشم عرفاں کے لیے

فانی بدایونی

حاصل علم بشر جہل کا عرفاں ہونا
عمر بھر عقل سے سیکھا کیے ناداں ہونا
اس کو انعام خودی اور اس پر لطفِ بے خودی
وہ کرم کرتے ہیں ظرف اہل عرفاں دیکھ کر

فراق گورکھپوری

ہوش و غفلت سے بہت دور ہے کیفیت عشق
اس کی ہر بے خبری منزل عرفاں ہو جائے
جھلملاتی ہے سر بزمِ جہاں شمع خودی
جو یہ بجھ جائے چراغِ رہ عرفاں ہو جائے