مرزا غالب

رات پی زمزم پہ مے اور صبح دم
دھوئے دھبے جامۂِ احرام کے
زمزم ہی پہ چھوڑو، مجھے کیا طوفِ حر م سے ؟
آلودہ بہ مے جامۂِ احرام بہت ہے

امام بخش ناسخ

کعبے میں بھی وحشت کی رہی دست درازی
صد چاک کیا جامۂِ احرام ہمارا

انشاء اللہ خان انشا

ہم کوچۂِ دل دار کے ہوتے ہیں تصدق
اے شیخِ حرم ہے یہی احرام ہمارا

حیدر علی آتش

وحشت میں کعبے کو جو گیا کوئے یار سے
لتے جنوں نے جامۂِ احرام کے لیے

داغ دہلوی

جب قدم کعبے سے رکھا سوئے دیر
تار الجھے جامۂِ احرام کے
پوچھتے ہیں حضرت زاہد سے رند
دام کیا ہیں جامۂِ احرام کے

بیان میرٹھی

گرد پھرتا ہوں جو اس بر کے تو واعظ کیا ہوا
طوف میں کرتا ہے تو بھی باندھ کر احرام رقص

رسا چغتائی

مندر میں زنار چلے گی
کعبے میں احرام چلے گا

شاد عظیم آبادی

اسے بھی ٹھان رکھ ساقی یقیں ہو گا نہ رندوں کو
اگر زاہد پہن کر جامۂ احرام آئے گا
عبث ہے زاہدوں کو مے کشی میں عذر ناداری
گرو رکھ لیں اسی کو جامۂ احرام کیا ہو گا