بشیر بدر

سو خلوص باتوں میں سب کرم خیالوں میں
بس ذرا وفا کم ہے تیرے شہر والوں میں

سدرشن فاکر

فلسفے عشق میں پیش آئے سوالوں کی طرح
ہم پریشاں ہی رہے اپنے خیالوں کی طرح
جب بھی تکمیل محبت کا خیال آتا ہے
مجھ کو اپنے ہی خیالوں پہ ہنسی آتی ہے

جلیل مانک پوری

سنیں جو آپ تو سونا حرام ہو جائے
تمام رات گزرتی ہے جن خیالوں میں

خاطر غزنوی

الجھے الجھے دھاگے دھاگے سے خیالوں کی طرح
ہو گیا ہوں ان دنوں تیرے سوالوں کی طرح

سیف الدین سیف

اک تبسم سے عمر بھر کے لیے
روشنی دے گئے خیالوں کو
سیفؔ جب وہ نگاہ یاد آئی
آگ سی لگ گئی خیالوں کو

عزیز حامد مدنی

نہ آیا کچھ مگر ہم کشتگان شوق کو آیا
ہوا کی زد میں آخر بے سپر رکھنا خیالوں کو

احمد فراز

تشنگی آنکھوں میں اور دریا خیالوں میں رہے
ہم نوا گر، خوش رہے جیسے بھی حالوں میں رہے