مرزا غالب

ایماں مجھے روکے ہے ، جو کھینچے ہے مجھے کفر
کعبہ مرے پیچھے ہے کلیسا مرے آگے

حیدر علی آتش

سامنے تیرے جو پڑے اے ترک
اس میں کعبہ ہو یا کلیسا لوٹ
گہہ یاد صنم دل میں ہے گہہ یاد الٰہی
کعبہ ہے تو یہ ہے جو کلیسا ہے تو یہ ہے
خال ہندو ہیں پرستش کے لیے آئے ہیں
پتلیاں آنکھوں کی دو بت ہیں کلیسا ہے وہ رخ

جگر مراد آبادی

جب اس رخ پر نور کا جلوہ نظر آیا
کعبہ نظر آیا نہ کلیسا نظر آیا

مصطفیٰ زیدی

بجھ گئی شمع حرم باب کلیسا نہ کھلا
کھل گئے زخم کے لب تیرا دریچہ نہ کھلا

احسان دانش

اس حرم کی زیب و زینت کو خدا رکھے مگر
مجرمان عہد و پیمان کلیسا ہم بھی ہیں

حفیظ جالندھری

شہر الفت میں نہیں تفرقہ پرداز حفیظؔ
کہیں کعبہ نظر آیا نہ کلیسا ہم کو