ظہیر کاشمیری

پروانہ جل کے صاحبِ کردار بن گیا
لیکن جمال شمع گناہ گار بن گیا

احمد فراز

اسی کو وعدہ فراموش کیوں کہیں اے دل
رہا ہے صاحبِ کردار اب کہاں تو بھی

قتیل شفائی

اپنا تو ہے ظاہر و باطن ایک مگر
یاروں کی گفتار جدا کردار جدا
ہمیں گواہ بنایا ہے وقت نے اپنا
بنام عظمت کردار آؤ سچ بولیں
آموں کی حسیں رت کے سوا بھی تو وہ کوکے
لیکن کسی کوئل کا یہ کردار ہی کب تھا
ہوش میں آنے لگے ہیں ان بہاروں کے طفیل
ورنہ دیوانوں کا یہ کردار پہلے تو نہ تھا

محسن احسان

کیا ضرورت ہے انہیں منظر‌ و پس منظر کی
جو کہانی ہی بدل دیتے ہیں کردار کے ساتھ

محسن نقوی

میں سرِ مقتل حدیث زندگی کہتا رہا
انگلیاں اٹھتی رہیں محسنؔ مرے کردار پر