ظہیر کاشمیری

ہجراں کی رات مشغلۂ دل سے پوچھئے
اس زلفِ خم بہ خم کی گرہ کھولتا رہا
اک شخص رات بندِ قبا کھولتا رہا
شب کی سیاہیوں میں شفق گھولتا رہا

عبید اللہ علیم

بدن کا کھیل تھیں اس کی محبتیں لیکن
جو بھید جسم کے تھے جاں سے کھولتا تھا میں

اکبر حمیدی

دل کی گرہیں کہاں وہ کھولتا ہے
چاہتوں میں بھی جھوٹ بولتا ہے

محسن احسان

دستکیں سنتے ہیں سب در کھولتا کوئی نہیں
خوف گھر میں اس قدر ہے بولتا کوئی نہیں