مرزا غالب

رگ و پے میں جب اترے زہرِ غم ، تب دیکھیے کیا ہو!
ابھی تو تلخی کام و دہن کی آزمائش ہے

امام بخش ناسخ

لطافت ایسی ہے تجھ میں کہ دیکھتا ہوں صاف
گہر سے دانت ہیں درج دہن کے پردے میں

انشاء اللہ خان انشا

لہریں لیتا ہے پڑا مچھی بھون آئینے میں
چوم لے تو ہی بھلا اپنا دہن آئینے میں
راجہ نل کا جو پڑا عکس دہن آئینے میں
تو نظر آئی اسے شکل دمن آئینے میں

حیدر علی آتش

پاتا نہیں میں یار کو میل سخن ہنوز
معدوم ہے کمر کی طرح سے دہن ہنوز
قبائے گل کو پھاڑا جب مرا گل پیرہن بگڑا
بن آئی کچھ نہ غنچے سے جو وہ غنچہ دہن بگڑا
کسی کی جب کوئی تقلید کرتا ہے میں روتا ہوں
ہنسا گل کی طرح غنچہ جہاں اس کا دہن بگڑا
لگے منہ بھی چڑھانے دیتے دیتے گالیاں صاحب
زباں بگڑی تو بگڑی تھی خبر لیجے دہن بگڑا
آشنا گوش سے اس گل کے سخن ہے کس کا
کچھ زباں سے کہے کوئی یہ دہن ہے کس کا
کس طرح تم سے نہ مانگیں تمہیں انصاف کرو
بوسہ لینے کا سزا وار دہن ہے کس کا
سرو سا قد ہے نہیں مدِ نظر کا میرے
گل سا رخ کس کا ہے غنچہ سا دہن ہے کس کا

شیخ ابراہیم ذوق

رخ پر تمہارے دام جو ڈالا ہے سبزے نے
آتا نظر ہے دیدۂِ عنقا دہن مجھے

مصحفی غلام ہمدانی

لے لیا پیار سے عکس اپنے کا جھک کر بوسہ
اس نے دیکھا جو وہ پاں خوردہ دہن آئنے میں
مشتاق ہی دل برسوں اس غنچہ دہن کا تھا
یارو مرے اور اس کے کب ربط سخن کا تھا

فیض احمد فیض

قندِ دہن، کچھ اس سے زیادہ
لطفِ سخن، کچھ اس سے زیادہ

سراج الدین ظفر

گو زمزمے ہزار ہیں لیکن سوائے عشق
حاصل کسی سے لذت کام و دہن کہاں

بیخود بدایونی

تمکین خامشی نے انہیں بت بنا دیا
سب اس گمان میں ہیں کہ ان کے دہن کہاں

حسرت موہانی

معلوم ہو گئی مرے دل کو راہِ شوق
وہ بات پیار کی جو ہنوز اس دہن میں تھی

احمد فراز

دل سے کل محو تکلم تھے تو معلوم ہوا
کوئی کاکل کوئی لب کوئی دہن یاد نہیں
گل بھی گلشن میں کہاں غنچہ دہن تم جیسے
کوئی کس منہ سے کرے تم سے سخن، تم جیسے
یہ میرا حسنِ نظر ہے تو دکھا دے کوئی
قامت و گیسو و رخسار و دہن تم جیسے

فراق گورکھپوری

دمِ تقریر کھل اٹھتے ہیں گلستاں کیا کیا
یوں تو اک غنچۂ نورس ہے دہن کیا کہنا

محسن نقوی

نازل ہو کبھی ذہن پہ آیات کی صورت
آیات میں ڈھل جا کبھی جبریل دہن تو