مرزا غالب

جز زخمِ تیغ ناز، نہیں دل میں آرزو
جیبِ خیال بھی ترے ہاتھوں سے چاک ہے
کہتا ہے کون نالۂِ بلبل کو بے اثر
پردے میں گل کے لاکھ جگرِ چاک ہو گئے

مصحفی غلام ہمدانی

ٹکڑا جہاں گرا جگرِ چاک چاک کا
یاقوت سا دمکنے لگا رنگ خاک کا

مصطفٰیٰ خان شیفتہ

قیس کو فضل تقدم ہے وگرنہ یاں کیا
سرِ شوریدہ نہیں یا جگرِ چاک نہیں
کون سے دن تری یاد اے بت سفاک نہیں
کون سی شب ہے کہ خنجر سے جگرِ چاک نہیں

عرفان صدیقی

دکھلاؤں تمہیں اپنے قبیلے کی نشانی
کچھ تار کسی پیرہن چاک سے لے آؤں

جمال احسانی

کوزۂ دنیا ہے اپنے چاک سے بچھڑا ہوا
اور اس کے بیچ میں افلاک سے بچھڑا ہوا

اکبر معصوم

یہ جو کچھ بھی ہے آیا ہے کہاں سے
دل صد چاک سے لایا گیا ہے

ضیا جالندھری

خود نمائی تھی کہ تھا محبس پندار کا خوف
قیس کے جیب و گریباں رہے کیوں چاک نہ کہہ

ظہیر کاشمیری

موسم بدلا رت گدرائی اہلِ جنوں بے باک ہوئے
فصلِ بہار کے آتے آتے کتنے گریباں چاک ہوئے

ثروت حسین

یا ایک ستارے کا گزرنا کسی در سے
یا ایک پیالے کا کسی چاک پہ ہونا

حفیظ جالندھری

رکھتی تھی لاگ میرے گریباں سے نو بہار
دامن گلوں کے باغ میں کیوں چاک ہو گئے

سیماب اکبر آبادی

کر چاکِ گریباں سے نہ اندازۂ وحشت
دیوانے ابھی دامنِ دل چاک نہیں ہے

احمد فراز

مثال دست زلیخا تپاک چاہتا ہے
یہ دل بھی دامنِ یوسف ہے چاک چاہتا ہے

محسن نقوی

ہوائے ہجر میں جو کچھ تھا اب کے خاک ہوا
کہ پیرہن تو گیا تھا بدن بھی چاک ہوا