مرزا غالب

دیتے ہیں جنت حیاتِ دہر کے بدلے
نشہ بہ اندازۂِ خمار نہیں ہے

امام بخش ناسخ

مزہ وصال کا کیا گر فراقِ یار نہ ہو
نہیں ہے نشے کی کچھ قدر اگر خمار نہ ہو
سرخ رو کر دے شراب آئی بہار
ہے خزاں سے زرد اے خمار رنگ
ہے فقط عالمِ بالا سے مدد مستوں کی
کون جز ماہ کرے خانۂِ خمار سفید
شکست پائی ہے توبہ کی طرح اس کو بھی
ہمارے پاس جو اے مے کشو خمار آیا
یاں دردِ سر خمار سے ہے واں دکان بند
ٹکرا کے سر کو اب در خمار توڑیے
ناسخؔ بقول افسح ہندوستاں کبھی
زاہد کا دل نہ خانۂِ خمار توڑیے

انشاء اللہ خان انشا

ہے جس میں قفل خانۂِ خمار توڑیے
یعنی در بہشت کو یکبار توڑیے

بہادر شاہ ظفر

گوشہ میں تری چشم سیہ مست کے دل نے
کی جب سے جگہ خانۂِ خمار بھی چھوڑا

داغ دہلوی

ادھر کو آ ہی گئے اب تو حضرت زاہد
یہیں ہے خانۂِ خمار دیکھتے جاؤ

مصحفی غلام ہمدانی

مے نہیں پی تو کیوں چھپاتے ہو
انکھڑیوں میں خمار کیسا ہے
جاگا ہے کہیں مگر تو دیشب
آنکھوں میں تری خمار ہے اور

مومن خان مومن

شکستِ رنگ پہ مستی میں ہنستے ہیں ہم بھی
دکھائیں گے انہیں وقت خمار آئینہ

فیض احمد فیض

اپنی نظریں بکھیر دے ساقی
مے باندازۂ خمار نہیں

مرزا رفیع سودا

سوداؔ شراب عشق نہ کہتے تھے ہم، نہ پی
پایا مزا نہ تو نے اب اس کے خمار کا

یگانہ چنگیزی

جو دیکھ لے مجھے ساقی نشیلی آنکھوں سے
یہ مست پھر کبھی شرمندۂ خمار نہ ہو
انگڑائیوں کے ساتھ کہیں دم نکل نہ جائے
آساں نہیں ہے رنج اٹھانا خمار کا
شراب عیش کسی شب ہوئی تھی مجھ کو نصیب
اسی شراب کا اب تک خمار باقی ہے
مزہ تو جب ہے یگانہؔ کہ یہ دل خودبیں
خودی کے نشے میں بیگانۂ خمار رہے

اسرار الحق مجاز

خیر مقدم کو مرے کوئی بہ ہنگام سحر
اپنی آنکھوں میں لیے شب کا خمار آ ہی گیا

اکبر معصوم

یہ خواب بھی نہ کسی خواب کا اشارہ ہو
یہ نیند اور کسی نیند کا خمار نہ ہو

علی سردار جعفری

نشاط صبحِ بہاراں تجھے نصیب نہیں
ترے نگہ میں ہے بیتی ہوئی شبوں کا خمار

فارغ بخاری

کتنی عقیدتوں کے جگرِ چاک ہو گئے
کیا سحر تھا شعور نظر کا خمار بھی

جلیل مانک پوری

کسی شراب کی ہو کیا طلب جلیلؔ مجھے
مئے الست کا اب تک خمار باقی ہے

حسرت موہانی

صحبت اہلِ صفا خوب ہے مانا لیکن
رونق خانۂ خمار کہاں سے لاؤں

سیماب اکبر آبادی

بادل کی یہ گرج نہیں ابرِ بہار میں
برا رہا ہے کوئی شرابی خمار میں

شاد عظیم آبادی

یقین جان لے ساقی کہ خم کی خیر نہیں
خدا نہ کردہ جو اب کے مجھے خمار آیا

امیر مینائی

ترا میکدہ سلامت، ترے خم کی خیر ساقی
مرا نشہ کیوں اترتا، مجھے کیوں‌ خمار ہوتا
چشمِ نرگس کہاں وہ چشم کہاں
نشہ کیسا خمار سا ہے کچھ

فراق گورکھپوری

آپ اپنا چڑھاؤ اپنا اتار
زندگی نشہ ہے خمار بھی ہے

قتیل شفائی

پی لیے آنسوؤں کے جام بہت
ٹوٹتا ہے خمار سونے دے

میرا جی

ہے یہی رسم مے کدہ شاید
نشہ ان کا خمار ہے اپنا

ناصر کاظمی

پھر نغمہ و مے کی صحبتوں کا
آنکھوں میں رہا خمار کچھ دیر
بلا سے ہم نہ پیئیں میکدہ تو گرم ہوا
بقدرِ تشنگی رنجِ خمار اپنا ہے