مرزا غالب

ہستی کا اعتبار بھی غم نے مٹا دیا
کس سے کہوں کہ داغِ جگر کا نشان ہے

مصحفی غلام ہمدانی

غمِ دل کا بیان چھوڑ گئے
ہم یہ اپنا نشان چھوڑ گئے

مصطفٰیٰ خان شیفتہ

عبث ہے شیفتہ ہر اک سے پوچھتے پھرنا
ملے گا بادہ کشوں سے نشانِ بادہ فروش

میر مہدی مجروح

یا خدا حضرت غالبؔ کو سلامت رکھنا
اب اسی نام سے باقی ہے نشان دہلی

باقی صدیقی

لازم ہے رہیں اہلِ چمن گوش بر آواز
اب میری فغان ہی مرے ہونے کا نشان ہے
دیکھ کر تجھ میں کچھ نشانِ غزل
ہو گئے مست عاشقانِ غزل

قمر جلالوی

ان کے دھوکے میں نہ دے آنا کس ی دشمن کو خط
یاد کر نامہ بر نام و نشان اچھی طرح

شکیب جلالی

کتنے ہی زخم ہیں مرے اک زخم میں چھپے
کتنے ہی تیر آنے لگے اک نشان پر
وہ دوریوں کا رہِ آب پر نشان کھلا
وہ رینگنے لگی کشتی‘ وہ بادبان کھلا

عرفان صدیقی

گیا تھا دل کی طرف کاروان گمشدگاں
اور اب وہاں بھی نہیں ہے نشانِ گمشدگاں
سارے آئندگاں کو رستے ہیں
رفتگاں کو نشان ملتے ہیں

مجید امجد

اک عجب اعتماد سینوں میں
فتح کا یہ نشان بھی، ہم بھی

جلیل مانک پوری

جس کو دیکھو وہی ہے گرم تلاش
کہیں اس کا نشان ہے گویا

حفیظ جالندھری

خیر فریاد بے اثر ہی سہی
زندگی کا نشان ہے پیارے