مرزا غالب

جلوہ پھر عرضِ ناز کرتا ہے
روز بازار جاں سپاری ہے

مصحفی غلام ہمدانی

عاشق و معشوق کرتا ہے جدا
اے فلک یہ کام بھی کرتا ہے تو

عرفان صدیقی

جو گرتا نہیں ہے اسے کوئی پامال کرتا نہیں
سو وہ سر بریدہ بھی پشت فرس سے اترتا نہیں

عالم تاب تشنہ

کیوں نہ ہم اس کو دل و جان سے چاہیں تشنہؔ
وہ جو اک دشمنِ جاں پیار بھی کرتا جائے

شکیل بدایونی

پیہم تلاش دوست میں کرتا چلا گیا
کونین کی حدوں سے گزرتا چلا گیا
اک سنگ دل کی دیدہ دلیری تو دیکھنا
شکوؤں کا اعتراف بھی کرتا چلا گیا

میرا جی

اگر زندگی مختصر تھی تو پھر کیا
اسی میں بہت عیش کرتا گیا دل

ناصر کاظمی

کون اس راہ سے گزرتا ہے
دل یونہی انتظار کرتا ہے
دل تو میرا اداس ہے ناصر
شہر کیوں سائیں سائیں کرتا ہے
تیری خموشی کی شہ پا کر
میں کتنی باتیں کرتا تھا
کتنا چپ چپ کتنا گم سم
وہ پانی باتیں کرتا تھا
کس دیوی کی ہے یہ مورت
کون یہاں پوجا کرتا تھا
کن وقتوں کے ہیں یہ کھلونے
کون یہاں کھیلا کرتا تھا