مرزا غالب

خاک میں ناموسِ پیمانِ محبت مل گئی
اٹھ گئی دنیا سے راہ و رسمِ یاری ہائے ہائے

امام بخش ناسخ

دن کے بدلے بھی یہی آتی ہیں غم خواری کو
مجھ سے رکھتی ہیں بہت ہجر میں یاری راتیں

انشاء اللہ خان انشا

کیا ملا ہم کو تیری یاری میں
رہے اب تک امیدواری میں

بہادر شاہ ظفر

شکوہ عیاری کا یاروں سے بجا ہے اے ظفرؔ
اس زمانے میں یہی ہے رسمِ یاری رہ گئی

مصطفٰیٰ خان شیفتہ

دشمنی کو جو کہ احساں جانتا ہو ناز سے
اس ستم ایجاد سے امیدِ یاری ہے عبث

عرفان صدیقی

تم بھی مسافر کتنے دلاور ‘ ہم بھی مسافر کیسے شناور
آندھی کے پیچھے جنگل سے ناتا‘ دریا سے یاری دریا کنارے

شبلی نعمانی

دل ہی ملتا نہیں سفلوں سے وگرنہ شبلیؔ
خوب گزرے فلک دوں سے جو یاری کر لوں