مرزا غالب

گوش مہجورِ پیام و چشم محرومِ جمال
ایک دل تس پر یہ نا امیدواری ہائے ہائے

انشاء اللہ خان انشا

کیا ملا ہم کو تیری یاری میں
رہے اب تک امیدواری میں

مصطفٰیٰ خان شیفتہ

اس وفا کی مجھ سے پھر امیدواری ہے عبث
دل فریبی کی لگاوٹ، یہ تمہاری ہے عبث
ہجر میں چرخ و اجل نے گر نہ کی یاری تو کیا
دشمنوں سے شیفتہ امیدواری ہے عبث

مومن خان مومن

یاس دیکھو کہ غیر سے کہہ دی
بات اپنی امیدواری کی
تیرے آتے ہی دم میں دم آیا
ہو گئی یاس امیدواری آج

میر مہدی مجروح

ہر اک شے کا ہے اندازہ مگر پایاں نہیں ہرگز
تری غفلت شعاری کا مری امیدواری کا

جون ایلیا

خوش رہے تو کہ زندگی اپنی
عمر بھر کی امیدواری ہے