مرزا غالب

خود جاں دے کے روح کو آزاد کیجیے
تاکے خیالِ خاطرِ جلاد کیجیے

امام بخش ناسخ

قامت یار کو ہم یاد کیا کرتے ہیں
سرو کو صدقے میں آزاد کیا کرتے ہیں
تو وہ صیاد ہے جو وار کے تجھ پر لاکھوں
طائرِ روح کو آزاد کیا کرتے ہیں

انشاء اللہ خان انشا

قمری باغِ بہشت اب جو یہ بے فاختہ ہیں
انہیں بھی کہہ دو کہ تم سرو سے آزاد رہو

داغ دہلوی

میرے نالے نے سنائی ہے کھری کس کس کو
منہ فرشتوں پہ یہ گستاخ یہ آزاد آیا
پابندیوں نے عشق کی بیکس رکھا مجھے
میں سو اسیریوں میں بھی آزاد رہ گیا

مصحفی غلام ہمدانی

نہیں ہوتا مقید میں کسی کا
طبیعت ہے بہت آزاد میری
یوں دل میں گزرتا ہے جا کر کسی صحرا میں
خاطر کو ٹک اک غم سے آزاد کروں روؤں

مصطفٰیٰ خان شیفتہ

بے تعلق پن بھی آخر قید ہے
قید پائی خاطر آزاد میں

مومن خان مومن

پانوں تک پہنچی وہ زلفِ خم بہ خم
سرو کو اب باندھئے آزاد کیا