مرزا غالب

اپنی، رسوائی میں کیا چلتی ہے سعی
یار ہی ہنگامہ آرا چاہیے

مصحفی غلام ہمدانی

نے غرفے سے جھانکا نہ کبھی بام پر آئے
پنہاں رہے تم حسنِ دل آرا کے دنوں میں

مصطفٰیٰ خان شیفتہ

شیفتہ آیا ہوں میں کس کا تماشا دیکھ کر
رہ گئے حیران مجھ کو سب خود آرا دیکھ کر

مومن خان مومن

رحم فلک اور مرے حال پر
تو نے کرم اے ستم آرا کیا

جگر مراد آبادی

ہر جلوے کو دیکھا ترے جلووں سے منور
ہر بزم میں تو انجمن آرا نظر آیا

عرفان صدیقی

بیکراں رات میں تو انجمن آراء ہے کہ ہم
اے زمیں تو اس اندھیرے کا ستارا ہے کہ ہم

اختر شیرانی

لب زاہد پہ ہے افسانۂ حور جنت
کاش اس وقت مرا انجمن آرا ہوتا

حسرت موہانی

محفلِ یار کی رہ جائے گی آدھی رونق
ناز کو اس نے اگر انجمن آرا نہ کیا
حسنِ بے پروا کو خودبین و خود آرا کر دیا
کیا کیا میں نے کہ اظہارِ تمنا کر دیا

سیماب اکبر آبادی

اس کے جی میں کیا یہ آئی یہ اسے کیا ہو گیا
خود چھپا عالم سے اور خود عالم آرا ہو گیا

شان الحق حقی

نمود صبح وعدہ سے تو خیر امید ہی کیا تھی
وہ فرقت کی شب ہنگامہ آرا ہو گئی آخر

احمد فراز

ہر بزم میں ہم نے اسے افسردہ ہی دیکھا
کہتے ہیں فرازؔ انجمن آرا بھی کبھی تھا

فراق گورکھپوری

آہ یہ مجمع احباب یہ بزم خاموش
آج محفل میں فراقؔ سخن آرا بھی نہیں
بڑھتا ہی جا رہا ہے جمال نظر فریب
حسنِ نظر کو حسنِ خود آرا بنا دیا

قتیل شفائی

شمعوں میں اب نہیں ہے وہ پہلی سی روشنی
کیا واقعی وہ انجمن آرا ہے ان دنوں

ناصر کاظمی

پھر نئی رت کا اشارہ پا کر
وہ سمن بو چمن آرا ہو گا