داغ دہلوی

دل میں رکھنے کی بات ہے غمِ عشق
اس کو ہرگز نہ برملا کہیے

مومن خان مومن

کبھی بیٹھے سب میں جو روبرو تو اشارتوں ہی سے گفتگو
وہ بیان شوق کا برملا تمہیں یاد ہو کہ نہ یاد ہو

جگر مراد آبادی

جگرؔ کا ہاتھ ہو گا حشر میں اور دامن حضرت
شکایت ہو کہ شکوہ جو بھی ہو گا برملا ہو گا
مجھے روک سکتا ہو کوئی تو روکے
کہ چھپ کر نہیں برملا جا رہا ہوں
ہم ان سے کیا کہیں وہ جانیں ان کی مصلحت جانے
ہمارا حالِ دل تو برملا یوں بھی ہے اور یوں بھی

احسان دانش

اگر محبت کے مدعی ہو تو یہ رویہ روا نہیں ہے
جو شکوہ ہے روبرو نہیں ہے جو بات ہے برملا نہیں ہے

ماجد صدیقی

کھل گئی جانے کیسے زباں خلق کی
اس سے رشتہ کوئی برملا بھی نہ تھا

حسرت موہانی

پیہم دیا پیالۂ مے برملا دیا
ساقی نے التفات کا دریا بہا دیا
یہ کیا پڑ گئی خوئے دشنام تم کو
مجھے ناسزا برملا کہتے کہتے

فانی بدایونی

پھر اس بزم کو ڈھونڈتی ہیں نگاہیں
پھر اک شکوۂ برملا چاہتا ہوں

قیوم نظر

فساد ایں و آں ہے کس کے دم سے
کہیں گے اور تجھ سے برملا کیا

مجروح سلطان پوری

فسانہ جبر کا یاروں کی طرح کیوں مجروحؔ
مزہ تو جب ہے کہ جو کہیے برملا کہیے

ناصر کاظمی

وہ نہ سمجھیں گے ان کنایوں کو
جو کہے برملا کہے کوئی