مرزا غالب

شہیدِ شیوۂِ منصور ہے انداز رسوای
مصیبت پیشگی مدعا دار و رسن لائ
قد و گیسو میں ، قیس و کوہکن کی آزمائش ہے
جہاں ہم ہیں ، وہاں دار و رسن کی آزمائش ہے

مصحفی غلام ہمدانی

دام میں لاویں وہ تا عکس کی تیرے تصویر
زلفیں پھینکیں ہیں دو جانب سے رسن آئنے میں

فیض احمد فیض

جو چل سکو تو چلو کہ راہِ وفا بہت مختصر ہوئی ہے
مقام ہے اب کوئی نہ منزل، فرازِ دار و رسن سے پہلے

سراج الدین ظفر

راستہ ایک تھا ہم عشق کے دیوانوں کا
قد و گیسو سے چلے دار و رسن تک پہنچے
اس دور میں وفا کی رسوم کہن کہاں
منصور بھی اب آئے تو دار و رسن کہاں
خود ہی مٹا سکے تو مٹا اے رضائے دوست
ڈھونڈے کوئی وسیلۂ دار و رسن کہاں

مصطفیٰ زیدی

وہ ہم جلیس سانحۂ رحمت نشاط
آسائش صلیب و رسن کی شریک تھی

احسان دانش

اٹھیں گے اپنی بزم سے منصور سیکڑوں
کام اہل حق کے آئیں گے دار و رسن ابھی
کسے خبر تھی کہ یہ دور خود غرض اک دن
جنوں سے قیمت دار و رسن چھپائے گا

حسرت موہانی

اچھا ہوا کہ خاطر حسرتؔ سے ہٹ گئی
ہیبت سی اک جو خطرۂ دار و رسن میں تھی

احمد فراز

احتیاط اہلِ محبت کہ اسی شہر میں لوگ
گل بدست آتے ہیں اور پایہ رسن جاتے ہیں

کیفی اعظمی

اعلان حق میں خطرۂ دار و رسن تو ہے
لیکن سوال یہ ہے کہ دار و رسن کے بعد

مجروح سلطان پوری

لٹ گیا قافلۂ اہلِ جنوں بھی شاید
لوگ ہاتھوں میں لیے تار رسن جاتے ہیں
نہ ہم قفس میں رکے مثل بوئے گل صیاد
نہ ہم مثال صبا حلقۂ رسن میں رہے
جنون دل نہ صرف اتنا کہ اک گل پیرہن تک ہے
قد و گیسو سے اپنا سلسلہ دار و رسن تک ہے